Friday, February 18, 2011

THE FOOLISHNESS OF YOUTH

Parental Blunt, Blame and Blunder

Kung atong sud-ungon karon, lisod na kaayo sabton ang mga kabatan-onan. Ang ila nga mga panglihok-lihok, kanatong mga gulang na, usahay makasapot. Paminaw sulay sa ila nga mga sinulti-an, maluma ang mga asosiloy sa Alcoy. Ang ako gayud nga ikahi-ubos kay ang mga batasan sa mga kabatan-onan nga unta molunot sa pag-usbaw sa panahon, inay mura ug nabaklag. Daw baho pa sa ilagang patay. Usa ka ginikanan ako nga nakahinabi miaging adlaw mahitungod sa batasan sa iyang anak nga ako upod nga tinun-an sa eskwelahan.

Sa wala pa ang pista, nakahinagbo ko ang inahan sa usa sa akong mga tinun-an. Gusto g'yud niya nga ako iyang mahinabi kabahin sa grado sa iyang anak. Kini katungod ug responsibilidad sa usa ka ginikanan. Gikalipay ko kaayo ang iyang sugyot. Pero ang grado sintomas lang sa mga daghan pa kaayong problema. Usahay kita'ng mga ginikanan dili makadawat sa nahimong sangputanan sa atong mga anak. Kay lagi ang bata nahagbong man, ato dayun nga batian ang kaguol kay ang kahuyang sa bata usa man ka salamin sa ato 'pod nga dakong pagkulang kanila.

Sa adlaw nga mibisita ang maong ginikanan kanako, akong nasuta ang dako kaayo nga problema. Siya nga inahan wala 'gyud panahon para sa iya nga anak kay atoa man lagi siya sa layo nanguyamot aron ikabuhi sa iyang pamilya. Pareho sila sa iyang bana. Nahiuli lang sila tungod sa piyesta. Ang ilang mga anak nagadako lang sa ilang iyaan. Ako 'pod nga nahibaw-an nga masuso pa kini nga iya nang gibilin sa iyang igsoong babaye. Niadtong panahona, ang bana uban pa sa bata; pero kay lagi ang iyahang pares nanginabuhi man upod, ang amahan wala 'pod panahon para sa ilang mga anak.

Ang wala nahibaw-i sa daghan kaayo nga mga ginikanan, dili kuarta o' kaha gugma ang bahandi nga ilaha puwede nga ikagasa sa mga bata. Parents did not know that the best gift they can give their children is to develop self-respect in them which is born from healthy self-image and self-worth. Pag mismong mga ginikanan wala makakita sa kaimportante sa pagkatawo sa ilang mga anak, ang mga bata dili g'yud modako nga tarong. Self-worth and self-respect are the foundations for a child developing into a better person. Kung wala ang mga ginikanan sa kiliran sa ilang mga anak, dako kaayo kini nga ikahiubos sa mga bata ug nga kini dayun nagahatag ug sayop nga pagtuo nga ang mga ginikanan wala gamahal kanilang mga anak.

Ang batasan sa mga kabatan-onan karon salamin sa dako ug daghan kaayo nga mga pagkulang sa mga ginikanan. Sayop ug guol kaayo nga hunahuna-on nga ingnon ta lunot sa panahon ang mga nahimong kasaypanan sa mga kabatan-onan. Niadtong dugay nang mga tuig nga milabay, ang mga bata dili pa kaayo buluyagan. Kini tungod kay ang mga ginikanan anaa uban kanila nga gamatuto. Nabati sa mga bata kanhiay nga sila gimahal, that was why they developed a very healthy self-image of themselves. Karon nagpabuyag ang mga kabatan-onan tungod gani kay nagkulang ug dako ang mga ginikanan paggiya kanila sa maayong pamatasan. Kadaghanan 'pod sa mga bata karon wala upoy kumpleto nga pamilya. Subo nga palandungon.

Unta dili sa mga bata ibasol ang tanan...



No comments:

Post a Comment